सतेज डी. पाटील हे वारशाचे मोल जाणतात. वारसा जतन करण्यावर त्यांचा विश्वास आहे. त्यांचे पिता हे महाराष्ट्राच्या शिक्षण क्षेत्रातील प्रख्यात व्यक्ती आहेत. सतेज यांनाही शिक्षण क्षेत्रासाठी काहीतरी करण्याची इच्छा होती. २३ मे, २००३ रोजी महाराष्ट्रातील प्रतिष्ठित विद्यापीठांमध्ये गणल्या जाणाऱ्या गारगोटी येथील श्री मौनी विद्यापीठाचे अध्यक्ष म्हणून त्यांची निवड झाली, तेव्हा त्यांचे हे स्वप्न प्रत्यक्षात उतरले. ही खूप मोठी कामगिरी होती, युवा सतेज यांच्या पाठीवरील कौतुकाची आणखी एक थाप होती, मात्र त्यांनी अल्पसंतुष्टतेची भावना स्वतःमध्ये येऊ दिली नाही आणि पुढच्या महत्त्वाकांक्षेकडे, म्हणजेच कोल्हापूरच्या डॉ. डी. वाय. पाटील कला, क्रीडा शैक्षणिक व सांस्कृतिक ट्रस्टकडे झेप घेतली. कला आणि क्रीडा यांच्या प्रसारासाठी त्यांनी प्रचंड योगदान दिले असून विद्यार्थ्यांना चांगल्या शैक्षणिक पायाभूत सुविधा उपलब्ध करून दिल्या आहेत, तसेच या ट्रस्टच्या समाजशास्त्रकेंद्रित उपक्रमांच्या माध्यमातून सांस्कृतिक वारसाही पुनर्स्थापित केला आहे.

जनतेला सतेज यांच्याबद्दल असणाऱ्या प्रेम आणि आपुलकीमुळे त्यांना कोल्हापूरच्या नागरिकांशी संबंधित मुद्दे उचलून धरण्यासाठी आणि ते राज्य सरकारपर्यंत पोहचवण्यासाठी चालना मिळाली. २००४ सालच्या विधानसभा निवडणुकांमध्ये ते करवीर मतदारसंघातून अपक्ष उमेदवार होते. त्या निवडणुकीत त्यांनी सर्व अडथळ्यांवर मात करत या मतदारसंघातून ४२,००० च्या मताधिक्याने विजय मिळवला होता.

युवावर्गाच्या आजुबाजूला एकाचवेळी इतक्या साऱ्या गोष्टी घडत असल्याने, लक्ष विचलित होणे, मार्गभ्रष्ट होणे आणि प्रवाहपतित होणे या तीन गोष्टींपासून युवावर्गाने सावध राहिले पाहिजे. तथापि, सतेज हे कधीही आपल्या उद्दिष्टापासून ढळले नाहीत, त्यांनी नेहमीच उदात्त हेतूवर, विशाल चित्र पाहण्यावर लक्ष केंद्रित केले. विनम्रता, साधेपणा आणि कृतीकेंद्रित दृष्टीकोन या गुणांमार्फत ते कोल्हापूरच्या युवावर्गाला प्रेरित करत आले आहेत. यश हे सतेज यांच्या समाजकार्याच्या विस्तारासाठी उत्तेजक म्हणून काम करत असल्याचे स्पष्टपणे दिसून येते.

राजकीय व सामाजिक नेत्यांच्या जन्मदिनी किंवा अन्य विशेष औचित्यप्रसंगी त्यांना पुष्पगुच्छ व शाल देण्याची रूढ प्रथा आहे. परंतु बऱ्याच लोकांना, विशेषतः ग्रामीण भागांतील युवकांना महागड्या पुष्पगुच्छांवर खर्च करणे परवडू शकत नाही आणि त्याचवेळी त्यांना स्वतःला वह्या आणि अन्य शैक्षणिक साहित्याच्या वाढत्या किमतींनाही तोंड द्यावे लागते. त्याचबरोबर, फुलांचा कचरा साचल्याने होणारे जलप्रदुषण हासुद्धा तितकाच निकडीचा मुद्दा आहे. तीन वर्षांपूर्वी – सतेज यांनी सर्वांत अनोख्या पद्धतीने आपला जन्मदिन साजरा करण्याचा निर्णय घेतला. आपल्याला पुष्पगुच्छांऐवजी वह्या भेट द्याव्यात, अशी विनंती त्यांनी सर्वांना केली. जन्मदिन साजरा करण्याची ही असामान्य पद्धत क्रांतिकारी ठरली, कारण त्यातून ११ लाखांहून अधिक वह्या जमा झाल्या आणि २ लाख ६६ हजार गरजू विद्यार्थ्यांना त्या वह्यांचे वाटप करण्यात आले. बरेच राजकीय नेते आता आपल्या जन्मदिनाचा आनंदोत्सव कोणत्यातरी सामाजिक ध्येयाशी जोडण्याच्या सतेज यांच्या उदाहरणाचे अनुकरण करत आहेत.