डी.वाय.पाटील कृषी आणि तंत्र विद्यापीठ, तळसंदे, कोल्हापूर उदघाटन

डी.वाय.पाटील कृषी आणि तंत्र विद्यापीठ, तळसंदे, कोल्हापूर उदघाटन

आज डी.वाय.पाटील कृषी आणि तंत्र विद्यापीठ, तळसंदे, कोल्हापूर या नव्या विद्यापीठाचे उदघाटन भारताचे माजी कृषिमंत्री सन्माननीय श्री. शरदचंद्रजी पवार साहेब यांच्या शुभहस्ते व सन्मानीय डॉ डी.वाय.पाटील पाटील साहेब यांच्या प्रमुख उपस्थितीमध्ये संपन्न झाला.
महाराष्ट्राच्या जडणघडणीमध्ये मोलाची भूमिका बजावणारे हरित क्रांतीचे प्रणेते माजी मुख्यमंत्री स्वर्गीय वसंतराव नाईक यांच्या जयंतीनिमित्त साजरा होणाऱ्या कृषी दिनी या विद्यापीठाचे उद्घाटन होणे हा एक चांगला योगायोग आमच्या सर्वांसाठी आहे.
माझे ज्येष्ठ बंधू आदरणीय डॉ. संजय डी. पाटील साहेब यांनी गेली 33 वर्षे अत्यंत खडतर प्रवास करून तळसंदे कॅम्पस वेगळी ओळख प्राप्त करून दिली आहे.
आदरणीय डॉ. संजय डी. पाटील भैया यांच्या दूरदृष्टी आणि नियोजनामुळेच 1989 साली कोल्हापुरातील तळसंदेतील ओसाड माळरानावर सुरु झालेला हा खडतर प्रवास आज कृषी विद्यापीठापर्यंत येऊन ठेपला आहे. कृषिक्षेत्रात संपन्न अशा आपल्या कोल्हापूरमध्ये हे विद्यापीठ सुरु होत आहे, याचा वेगळाच आनंद आहे.
कृषिप्रधान असलेल्या आपल्या देशामध्ये आता शेतीमध्ये आधुनिक प्रयोग होणे गरजेचे आहे. शेतकरी बांधवांची ही नवी पिढी नवनवे प्रयोग शेतीमध्ये करत आहे. काळ्या आईशी असलेल नातं जपत त्याला आधुनिकतेची जोड देणाऱ्या विद्यार्थ्यांसाठी ज्ञानाचे, संशोधनाचे, प्रात्यक्षिकांचे आणि प्रशिक्षणाचे प्रमुख केंद्र म्हणून हे विद्यापीठ कार्यरत राहील.
आज या ऑनलाईन उदघाटन सोहळ्याला महसूल मंत्री मा. ना. बाळासाहेब थोरात, जलसंपदा मंत्री मा. ना. जयंत पाटील, उच्च व तंत्रशिक्षण मंत्री मा. ना. उदय सामंत, ग्रामविकास मंत्री मा. ना. हसन मुश्रीफ, कृषी राज्यमंत्री मा. ना. डॉ. विश्वजीत कदम, उच्च व शिक्षण राज्यमंत्री मा. ना. प्राजक्त तनपुरे, आरोग्य राज्यमंत्री मंत्री मा. ना. राजेंद्र पाटील-यड्रावकर, ऑनलाईन पद्धतीने मा. खा. संभाजीराजे छत्रपती, आ. राजू आवळे, आ. प्रकाश आबिटकर, आ. जयंत आसगावकर तसेच कृषी क्षेत्रातील मान्यवर उपस्थित होते.

 

 

 

 

 

 

 

 

 

 

 

 

 

Facebook
Instagram
YouTube
YouTube
Follow by Email