कोरोनाच्या पार्श्वभूमीवर यंदा होणाऱ्या गणेशोत्सव आणि मोहरम सणाबद्दल जिल्हास्तरीय शांतता कमिटीची पोलीस अधीक्षक कार्यालयात व्हिडीओ कॉन्फरसिंगद्वारे बैठक आयोजित करण्यात आली होती.

यावेळी, कोरोनाच्या पार्श्वभूमीवर आगामी गणेशोत्सव तसेच मोहरम सण साध्या पद्धतीने, विदुयत रोषणाई, देखावे टाळून, मुख्यतः आगमन आणि विसर्जन मिरवणूक टाळून सोशल डिस्टंसिंग, मास्क व शासनाने घालून दिलेले नियम काटेकोरपणे पाळून साजरा करण्याची विनंती सर्व मंडळाना केली. तसेच, गणेशोत्सव आणि मोहरम सणावेळी होणार्‍या खर्चावर नियंत्रण ठेवून सार्वजनिक मंडळांनी सामाजिक उपक्रम राबवावेत, अशीही विनंती यावेळी केली. या आवाहनाला सर्वच तरुण मंडळांनी सकारात्मक प्रतिसाद दिला आहे.